A Xunta apoia á familia de Diego Bello para pedir maior celeridade na resolución do caso
A directora da oficina de Bruxelas da Fundación Galicia Europa, Ana Ramos, mantivo un encontro coa familia e o avogado de Diego Belo, o mozo galego asasinado en Filipinas en xaneiro de 2020.
Por E.P. | SANTIAGO DE COMPOSTELA | 04/03/2025 | Actualizada ás 18:53
A directora da oficina de Bruxelas da Fundación Galicia Europa, Ana Ramos, mantivo un encontro coa familia e o avogado de Diego Bello, o mozo galego asasinado en Filipinas en xaneiro de 2020.
Tal e como trasladou o Goberno galego nunha nota de prensa, a representante da Xunta na capital comunitaria trasladoulle a solidariedade do Executivo autonómico na súa pretensión de alcanzar o apoio da Unión Europea para reclamar maior celeridade na resolución do caso.
Coa súa visita a Bruxelas, os familiares e o letrado de Diego Bello buscan que a UE exerza toda a súa influencia nas relacións con Filipinas, máis aló do ámbito comercial, para garantir a protección da cidadanía europea no país asiático e o cumprimento dos dereitos humanos.
