Hacienda prestará un millón ao concello de Miño para sufragar novas sentenzas da macro urbanización Costa Miño

O Ministerio de Hacienda aprobou un préstamo de 973.689,84 euros para financiar o pago de novas sentenzas derivadas do proceso de expropiación da urbanización Costa Miño, tramitado a principios do ano 2000 por este concello coruñés en beneficio da entidade Fadesa Inmobiliaria.

Por este motivo, o alcalde do municipio, Manuel Vázquez Faraldo, mantivo este mércores unha reunión coa subdelegada do Goberno na Coruña, María Rivas. Segundo informa o consistorio, o executivo miñense "viuse obrigado a recorrer de novo a esta vía de financiamento tras recibir novas sentenzas do Xulgado do Contencioso-Administrativo o pasado mes de setembro, nas que se obriga ao Concello a pagar o xustiprezo expropietario -- que ascende a 552.895,08 euros de principal e uns 420.794,76 euros en materia de intereses -- a diversas persoas expropiadas".

Durante o encontro, engade, Vázquez Faraldo mostrouse agradecido ante "esta alternativa de financiamiento con este tipo de préstamo". "Fai que non teñamos que acudir a unha entidade financeira con condicións menos favorables para os intereses do Concello, xa que as arcas municipais non poderían asumir directamente o pago", expuxo.

Trátase do cuarto préstamo que o Ministerio de Hacienda concede á entidad local. En total, o importe ascende a 21,5 millóns de euros que o municipio pode liquidar ata 2050 "tras unha renegociación levada a cabo polo actual goberno local", explica.

O alcalde do Concello de Miño, Manuel Vázquez Faraldo, durante unha reunión coa subdelegada do Goberno na Coruña, María Rivas | Fonte: CONCELLO DE MIÑO