Protesta de traballadores ferroviarios en Ourense nunha xornada de folga en Renfe
Renfe cifrou en 8,4% o seguimento da folga en toda España, que provocou atrasos e supresión de trens, informaron fontes da compañía.
Por E.P. | OURENSE | 01/04/2025 | Actualizada ás 19:51
A estación de Ourense acolleu unha protesta, convocada por Sindicato Ferroviario e CGT, de traballadores de Renfe nunha nova xornada folga que impulsan sindicatos minoritarios.
Ante a porta principal da estación ourensá, a concentración contou cunha vintena de participantes e unha pancarta na que se podía ler 'Contra a privatización de Renfe. Por un emprego público e de calidade'.
Esta xornada provocou incidencias puntuais nos servizos en Galicia, como o transporte por estrada dun Alvia desde Ourense, ademais de seguimento en postos de talleres.
Pola súa banda, Renfe cifrou en 8,4% o seguimento da folga en toda España, que provocou atrasos e supresión de trens, informaron fontes da compañía.
Entre outras cancelacións, a circulación de trens de Rodalies de Catalunya da R7 interrompeuse este martes ao redor das 6.20 horas por mor da quinta xornada de folga en Rodalies, e restableceuse a súa circulación cara ás 12.08 horas.
