Consello.- O 90% dos beneficiarios da terceira edición de 'Conecta Peme' son pemes

O 90 por cento dos beneficiarios na terceira edición do programa de innovación 'Conecta Peme' son pequenas e medianas empresas (pemes), segundo informou este xoves, ao termo da reunión semanal do seu Executivo, o presidente da Xunta en funcións, Alberto Núñez Feijóo.

A Xunta mobiliza a través desta iniciativa máis de 47,6 millóns de euros para a realización de 61 proxectos. Así mesmo, as axudas concedidas na terceira edición achéganse aos 65 millóns de euros, un 30 por cento máis con respecto á convocatoria anterior.

Teñen como obxectivo incentivar a innovación aberta, cofinanciando proxectos de colaboración de entre dous e seis empresas.

Dende a posta en marcha deste programa en 2013 estanse xerando investimentos por valor de máis de 100 millóns para 133 proxectos de cooperación en que participan 518 empresas.