Novas imaxes de satélite mostran a dimensión do desastre causado polo lume en Portugal
A Axencia Espacial Europea publica máis imaxes tomadas polos seus satélites sobre a área de Pedrógão Grande.
Por Galicia Confidencial | Santiago de Compostela | 21/06/2017 | Actualizada ás 18:24
A Axencia Espacial Europea (ESA) está a difundir estes días diversas imaxes captadas polos seus satélites que mostran dende o espazo a magnitude do desastre causado polo incendio que arrasou máis 30.000 hectáreas en Portugal e que se cobrou 64 mortos e máis de 200 feridos.
O satélite Proba-V enviou este martes unha nova imaxe detallada, en alta resolución, da área afectada, Pedrógão Grande, na que se mostra o terreo calcinado, as marcas do fume e os focos aínda activos (en vermello).
Tamén o Sentinel-3 do proxecto Copernicus captou outra imaxe xeral da Península Ibérica na que se observa perfectamente a área arrasada e como se espalla o fume que deixa o xigantesco incendio.
