Manifesto Ponte unha Ilusión

A continuación tendes o texto do manifesto que define o estilo e a estratexia que o Partido Popular aplicará si obtemos a confianza dos pontevedreses para gobernar. 3 son as ideas básicas do manifesto: 1) A prioridade é xerar emprego e actividade económica. 2) Nunca nos resignaremos a ter menos que outras cidades. 3) O cambio que necesita Pontevedra hai que facelo coa participación de todos.

Por Telmo Martín | | 11/12/2010

Manifesto PONTE UNHA ILUSIÓN

Imaxinamos unha Pontevedra dinámica, activa.
Pensamos que pode ser un lugar agradable
para o ocio e tamén para o traballo.
Queremos unha sociedade que decide o seu futuro
e difunde a innovación, unha cidade conectada e eficiente.
Só nos vale o mellor para Pontevedra.
Porque a queremos. E pedimos máis. Coma ti.

Non aceptas o “non porque non”, o “iso é imposible”,
o “iso non é cousa miña”.
Non te resignas á pasividade, ao sectarismo.
Non cres a propaganda sen feitos.
E sabes que o futuro o creamos en cada momento.

Xa che ofrecemos un proxecto ambicioso no 2007.
A Nova Pontevedra espertou unha nova ilusión.
Pero queremos máis.
Queremos contar contigo.

Ti es un experto en Pontevedra.
Vives o seu día a día.
E para ese problema que non queres seguir aguantando
tes unha solución, pequena ou grande.
Compártea con todos.
Fálanos da túa solución, da mellora que significa.

Teñamos unha conversa plural e aberta.
Na que a túa voz conte, de igual a igual.
Comparte a túa solución.
Entre todos podemos darlle vida.
Entre todos podemos facela realidade.
Con ilusión é posible.
Imaxinemos Pontevedra xuntos.
Non renuncies. Esixe solucións, esixe dinamismo.
A forza está en ti.
Súmate, ponte unha ilusión.