O CDG celebra este domingo unha nova sesión de teatro infantil en Santiago

O Salón Teatro de Santiago acolle esta fin de semana actuacións e talleres dirixidos aos máis pequenos, que organiza o Centro Dramático Galego (CDG) no marco dunha programación especial por Nadal.

Así, a montaxe 'Os fabulosos cleaners', de Malasombra Producións, poderá verse este domingo 30 (12,30 horas). A entrada están á venda na web (entradas.abanca.com) e o despacho de billetes do Salón Teatro.

Xoque Carvajal e Jouse García son 'Os fabulosos cleaners', dous operarios encargados da limpeza dun teatro, que realizarán un espectáculo con pompas e burbullas, cheo de cores e formas.

Esta sesión acompáñase do taller 'Visto non visto', dirixido a nenos a partir de tres anos, que imparte Elea López nas dúas horas previas ao pase no Salón Teatro.