Baía Edicións presenta as súas novidades editoriais en Ourense

Baía Edicións presenta este venres na Feira do Libro de Ourense (Rúa do Paseo) dúas das súas últimas novidades editoriais; A Banda da Raimunda, de Pablo Nogueira e con ilustracijóns de Manuel Uhía, e Remedios da nosa horta medicinal, de María Frá Bagaria.

Pablo Nogueira Campo (O Carballiño, 1987) exerce de Mestre de Audición e Linguaxe. Nube Branca quere ser astronauta foi o seu primeiro conto editado. Os seus relatos están deseñados para tecer actividades de estimulación da linguaxe oral en galego a través de historias apaixonantes e entrañables, pensadas fundamentalmente para divertir a esgalla ás nenas e aos nenos.

Pola súa banda, Maria Frá leva anos percorrendo a xeografía galega na recollida dos saberes tradicionais relativos ao uso medicinal das plantas. O labor investigador e divulgador que desde 2014 ten realizado para diferentes asociacións e institucións do país está motivado polo reto de contribuír para a transmisión xeracional dos usos ancestrais das plantas medicinais do noso entorno. Actualmente vén de converter esta dedicación nun proxecto profesional, por medio de Devagar (devagar.eu).