Facer o Camiño de Santiago en bicicleta por unha boa causa
Máis de 140 persoas participaron nesta iniciativa para recadar fondos e apoiar o labor de catro asociacións sen ánimo de lucro.
Por Europa Press / Redacción | SANTIAGO DE COMPOSTELA | 30/06/2019 | Actualizada ás 17:22
Máis de 140 persoas realizaron o Camiño de Santiago durante este fin de semana en bicicleta para recadar fondos e apoiar o labor de catro asociacións sen ánimo de lucro. Esta iniciativa solidaria, chamada 'AM Solidarios Non Stop' e organizada polo banco BBVA, consiste en realizar en bicicleta o Camiño desde A Vela (Madrid) para "pór en valor o traballo en equipo, o esforzo e a superación".
Os fondos recadados serán destinados a catro asociacións: Fundación Lukas, Down Galicia e a Acción Solidaria de Galicia (Asdegal). Tras dous días e medio de "intenso" pedaleo e 693 quilómetros, os participantes chegaron este domingo á Praza do Obradoiro, onde se entregaron os fondos recadados ás asociacións.
