As orientadoras galegas, colapsadas: o alumnado con necesidades especiais triplicouse e non hai reforzos

A presidenta da Asociación Galega de Orientadoras (AGOEP), Martina Martínez, apunta que, segundo a Unesco, cada orientadora debería ter baixo a súa atención un máximo de 250 alumnos. "Eu creo que no 80 % dos casos esa cifra non se está cumprindo, pois a maioría dos centros precisariamos dúas orientadoras máis, polo menos", de maneira que denuncia que as 15 prazas ofertadas este ano pola Consellería de Educación, "non chegan nin para comezar".