Amnesia Scanner, Kode9 e Blanck Mass, entre os novos nomes do WOS Festival
Con este anuncio suman 24 os artistas confirmados para o programa troncal de música e de artes visuais e tecnolóxicas desta edición.
Por E.P. | SANTIAGO DE COMPOSTELA | 14/08/2019 | Actualizada ás 19:44
Amnesia Scanner, Kode9 e Blanck Mass figuran entre os novos nomes para o cartel de WOS Festival x SON Estrella Galicia 2019, que se celebrará en setembro en Santiago.
O programa de cinema do festival incluirá a celebrada 'Ryuichi Sakamoto: Coda', a estrea en España da primeira entrega sobre John Zorn do cineasta Mathieu Amalric; 'Zorn I (2010-2017)' e a galega e conceptual '7 Limbos', baixo o título 'Wos Cinema x Numax' e o programa de charlas será proximamente revelado.
Con este anuncio suman 24 os artistas confirmados para o programa troncal de música e de artes visuais e tecnolóxicas desta edición, que inclúen nomes como Drew McDowall, Rafael Anton Irisarri, Plaid, Gazelle Twin e Lafawndah, entre outros. A lista completa de artistas pode ser consultada na web do festival.
