O PP pide un plan "urxente" de desratización de Pontevedra
Presenta vídeos nos que se ven ratas na vía pública.
Por Europa Press / Redacción | SANTIAGO DE COMPOSTELA | 26/08/2019 | Actualizada ás 13:52
O portavoz do Partido Popular de Pontevedra, Rafa Domínguez, esixiu este luns en rolda de prensa ao Concello da cidade do Lérez un plan de desratización "con urxencia" e maior limpeza na cidade ante a "situación xeral de sucidade que está a vivir Pontevedra".
O portavoz do Partido Popular detallou que "non é dunha apreciación subxectiva", posto que se trata "dun problema referendado por testemuños de veciños, por fotografías e mesmo por vídeos".
En rolda de prensa Domínguez mostrou un dos vídeos onde se reflicte a presenza de ratas na vía pública e sinalou que a autoría da gravación é do Partido Socialista de Galicia, xa que "o PSOE cando estaba na oposición era consciente do problema e reclamou este mesmo plan". "Esperemos que non ocorra o mesmo que coas vías sanitarias, cando os socialistas cambiaron de ideas", abundou.
Así, o portavoz do PP de Pontevedra recuperou a proposta do plan de recolleita "porta a porta" presentado xa polos populares, no que eliminarían os colectores do centro urbano. Finalmente Rafa Domínguez considera que o goberno local "está a descoidar o servizo de recollida e a limpeza de Pontevedra" e reprochou que se está priorizando todo o que ten que ver co compost e estase deixando de lado a limpeza de Pontevedra.
