O incendio nun aeroxerador mobiliza os servizos de emerxencias en Camariñas

Un incendio declarado no interior dun aeroxerador situado no parque eólico de Cabo Vilano, no municipio de Camariñas (A Coruña), causou danos no interior da infraestrutura eólica sen que se rexistrasen danos persoais.

Segundo informou o 112 Galicia, o servizo de emerxencias tivo constancia do lume a través dun operario ás 10,30 horas deste xoves.

Tras a alerta, os xestores do CIAE 112 Galicia pasaron o aviso aos Bombeiros de Cee, á Garda Civil, á Policía Local e á Agrupación de Voluntarios de Protección Civil de Camariñas.

Os servizos de emerxencia desprazados procederon a sufocar o incendio, que afecta os cables eléctricos do interior do aeroxerador.

Páxina web 112 Galicia