Temas: INDEPENDENTISMO PPDEG FEIJóO PACO VáZQUEZ CONSTITUCIóN ESPAñOLA A CORUñA

O PP galego estará na concentración a prol da Constitución e contra o independentismo convocada por Paco Vázquez

A manifestación terá lugar na Coruña de forma paralela á convocada por Societat Civil Cataluña.

Por Europa Press / Redacción | SANTIAGO DE COMPOSTELA | 25/10/2019 | Actualizada ás 15:44

O secretario xeral do PPdeG, Miguel Tellado, anunciou este venres que a formación que lidera Alberto Núñez Feijóo apoia e estará representada na concentración convocada polo que fora alcalde da Coruña Francisco Vázquez e outros deputados constituíntes para este domingo na Coruña "en apoio á Constitución e aos cataláns constitucionalistas".

Francisco Vázquez, que se deu de baixa do PSOE en 2014, ofreceu esta semana unha rolda de prensa acompañado polos que foran deputados de UCD Nona Inés Vilariño e José Manuel Couceiro. Os tres explicaron que, ademais, a mobilización conta co apoio doutro tres parlamentarios constituíntes como foron Antonio Vázquez Guillén, Perfecto Yebra e José Manuel Piñeiro.

Na súa intervención, Francisco Vázquez destacou que esta concentración terá lugar de forma paralela á convocada por Societat Civil Cataluña "en defensa da convivencia e pola democracia" e despois de que estes chamasen aos cidadáns do resto de España a saír á rúa.

Tellado ratificou o apoio dos populares a esta concentración e, aínda que non concretou se estará o propio Feijóo —dixo que hai que "casar axendas" e esta fin de semana o presidente galego viaxa a Alacante—, deu a entender que a idea é que o PPdeG estea representado "ao máis alto nivel".

Finalmente, animou á cidadanía a participar "de forma cívica" na defensa dos "valores" e do "espírito de Transición e a Constitución española hoxe en día máis vixente que nunca" tras a sentenza que condenou os líderes do 'procés'.

Temas: INDEPENDENTISMO PPDEG FEIJóO PACO VáZQUEZ CONSTITUCIóN ESPAñOLA A CORUñA

4 Francolixo

O Psdg, igual que o Ppdg, nunca existíu. Piñeiro, Casares, Sabell, PaquiñoLand, etc, uns españolistas vendidos a MadriZ. Non hai diferencia entre ppsoecsvox: España ante todo. Hai que botalos.

3 Moine

Quando veremos a estes indivíduos defender o direito a vivenda, o direito ao trabalho, etc.. Direitos recolhidos na Constituiçom que eles tanto adoram.

2 moito conto!!!

joer que guay!!! ahora a todos le importa la constitución. Pues venga....mañana a comer hojas, pq parece que con esa mierd de libro con leyes que no se han modificado desde entonces y por tanto en obsolescencia... se acabaron los problemas de la gente.... ....VENGA, poneros a trabajar y dejar de tocar la gaita con la dichosa constitución. Que no es más que unas leyes. Lo que hace falta es que os pongáis a hacer políticas a favor de la gente

1 Galeguiña

Adiante Paco ¡Viva La Coruña! ¡Viva Galicia! ¡Viva España! É de esperar que a cidade mais española de Galicia lembre ao que foi o seu mellor alcalde e respalde a iniciativa deste socialista exemplar, dos que xa non caseque non quedan no seu partido.

1 Arteiro

Socialisto será...mais a min sempre me pareceu un Oportunista...lémbro-me del solicitando o Dereito de Autodetermianción para Galiza (nos 70 do século pasado, cando molaba) e logo, Coruñesismo mediante, Fachoespañolista (gomina incluida)...aínda que supoño que o "Auténtico" será o de agora......