Identificados 63 menores por consumo de alcol e tabaco nunha semana

Axentes do Grupo de Menores da Policía Autonómica levaron a cabo un total de 112 inspeccións de control de venda e consumo de bebidas alcohólicas e tabaco en 14 concellos galegos entre o 10 e 16 de febreiro no marco do que foron identificadas 63 persoas e tramitadas nove actas de infracción.

Segundo informou a Vicepresidencia da Xunta nun comunicado, por parte dos Grupos de Menores da Policía Autonómica da Coruña, Lugo, Pontevedra, Vigo e Santiago nesta pasada semana realizáronse 41 dispositivos de control de menores en risco de desamparo.

O dispositivo levouse a cabo, en concreto, nos concellos da Coruña, Ames, Barro, Lalín, Lugo, Mos, Ponteareas, O Porriño, Pontevedra, Redondela, Ribeira, Santiago, Tui e Vigo.

Nestes dispositivos, indican as mesmas fontes, ademais das denuncias pola infracción da lei de prevención de bebidas alcohólicas a menores, infórmase os propietarios dos locais do seu contido, das actuacións que deben levar a cabo para o cumprimento da mesma e evitar o consumo de alcol entre menores de idade.

Ademais, por parte da Policía Autonómica, puntualiza a Xunta, continuarase coas actividades necesarias para velar polo cumprimento da norma.

Apagando un cigarro.