Reaccións nas redes ante a retirada política de Luis Villares
O portavoz de En Marea volve ao seu antigo posto no TSXG e a súa decisión tivo diferentes opinións por parte dos usuarios de Twitter.
- Reaccións marcha de Villares: Pontón di que demostra que o BNG é unha forza "á alza" polo seu proxecto "serio"
- Luís Villares anuncia o seu adeus á política para regresar ao seu posto como xuíz
Por Galicia Confidencial | SANTIAGO DE COMPOSTELA | 19/02/2020 | Actualizada ás 18:14
O líder de En Marea anunciou este mércores 19 que abandonaba a política institucional. O lucense, cargou contra os mandatarios de Podemos, EU e Anova, xa que "antepoñen os seus intereses aos da cidadanía".
Esta decisión tomouna a moi pouco da presentación das candidaturas e sen saber aínda se En Marea vaise a presentar ás eleccións do 5 de abril. Recuperará o seu antigo posto no Tribunal Superior de Xustiza de Galicia (TSXG). Con todo, tivo diversas reaccións dos usuarios da rede social Twitter.
Así, houbo quen se lamentou da súa decisión. A profesora de dereito da USC, Alba Nogueira, manifestou na súa conta persoal o descontento coa política institucional, xa que o sucedido "mostra que a política é cada vez máis un espazo reservado a profesionais dela". Houbo tamén quen o consideraba "o candidato ideal para presidir a Xunta de Galicia".
A parte boa da retirada de Luis Villares é que poderá volver a ter vida e defender mil e unha causas xustas coa súa habitual entrega.
— Alba Nogueira (@albadetoba) February 19, 2020
A parte mala é que mostra que a política é cada vez máis un espazo reservado a profesionais dela.
Unha decisión persoal que respecto e un xesto de xenerosidade que lle honra en tempos onde esta non abunda máis sinto unha profunda dor porque penso que perdemos un candidato ideal para presidir a Xunta de Galicia.
— Guillermo Casalderrey (@GuillermoCR_) February 19, 2020
Por outra banda, outros ousuarios "víanno vir" tras os seus resultados das eleccións xerais, onde non chegaron aos 20.000 votos en Galicia. Outros, sinálano coma o rompedor da esquerda galega.
Non lle quedaba outra. Chao En Marea, gardade algún pin de recordo. pic.twitter.com/W2NGWaSrT9
— lobishome (@lobishome61) February 19, 2020
Váste, calamidá!... O dano que fixeches a esquerda galega non ten perdón de Dios...
— moncho garcía (@moncho__1) February 19, 2020
Luís Villares no se presenta a las primarias de En Marea y deja la política https://t.co/rw1OyzMHj1
Por último, tamén estivo quen criticou o comportamento que sempre recibiu por parte dos seus ex compañeiros de En Marea, agora en Galicia en Común. "Portáronse con el coma ratas" sinala o xornalista e escritor David Rodríguez na súa conta persoal.
Sobre Luís Villares: marchei do mundo mareas coa súa chegada. Quen o trouxeron, portáronse con el coma ratas. Equivocouse unha chea de veces polo seu posibilismo autista. Marchar é unha boa decisión. Que todo lle vaia ben.
— David Rodríguez (@Ofunambulista) February 19, 2020
