A Xunta xustifica o traslado da ambulancia de Vilagarcía a Sanxenxo "porque hai máis xente" no verán
"Non é unha distancia quilométrica moi grande", di para xustificar que esa ambulancia seguirá atendendo a toda a xente do Salnés.
Por Galicia Confidencial | Compostela | 17/07/2020 | Actualizada ás 21:20
O presidente da Xunta, Alberto Núñez Feijóo, xustificou este venres o traslado da ambulancia medicalizada desde Vilagarcía de Arousa a Portonovo e Sanxenxo porque, nesta zona, "hai máis xente vivindo" no verán pola chegada masiva de turistas e destacou que ese traslado so facerse sempre en época estival.
"Non é unha distancia quilométrica moi grande", dixo ao tempo que suliñou que esa ambulancia seguirá dando cobertura a toda a xente do Salnés. Neste sentido, suliñou que o 061 estará sempre activo para casos de de patoloxías críticas urxentes, que terán prioridade.
Con todo, lembrou que baixo o seu goberno, o Sergas conta con 12 ambulancias de soporte vital avanzado, 4 de soporte vital avanzado de enfermería, 107 de soporte vital básico, e 2 ambulancias convencionais. Ademais, dixo que o helicóptero medicalizado incrementou as horas por contrato. "E isto non é u tema menor", suliñou. "E no caso da bisbarra do Salnés incrementamos unha praza de ambulancia, ademais da anterior", concluíu.
