O músico Xabier Díaz lanza un curso virtual de pandeireta na súa canle de Youtube
Díaz compartirá cada 14 días un novo episodio e farao sempre en mércores e ás 9,30 horas.
Por Europa Press / Redacción | SANTIAGO DE COMPOSTELA | 16/09/2020 | Actualizada ás 19:21
O músico coruñés Xabier Díaz lanzou este mércores a presentación do seu curso virtual de pandeireta a través da súa canle de Youtube.
Pensado para aprender a tocar este instrumento desde cero, o curso responde as consultas que lle fan moitos galegos do exterior. Terá contido aberto e gratuíto e está estruturado nunha serie de vídeo-tutoriales.
Así, Díaz compartirá cada 14 días un novo episodio e farao sempre en mércores e ás 9,30 horas. "Galicia é un país de pandeireta a efectos reais e prácticos e hai que dignificar o instrumento", comentaba hai uns días este compositor e investigador do folk galego hai uns días nunha entrevista.
O curso gravouno durante o confinamento e primeiro fixo un traballo de preprodución, de modo que organizou os materiais para que a dificultade vaia en aumento de forma progresiva. Os tutoriais irán acompañados dunha peza e un texto para pór en práctica o aprendido e ademais estarán subtitulados en inglés e castelán.
"Cheguei aquí dando moitas 'reviravoltas", apuntaba na entrevista Xabier Díaz, autodidacta. Por iso é polo que estruturase este curso como "ferramenta" para evitar que o que queira aprender ou mellorar coa pandeireta non teña que "desaprender moitas cousas" ou "corrixir erros" como lle pasou a el.
