Críticas pola supresión de liñas de autobús: "así se potencia o rural?"

Regreso accidentado á normalidade. A recuperación da actividade laboral no mes de setembro veu acompaña cunha redución dos servizos de transporte público que xa afecta a distintos puntos do territorio. Á supresión de diversos trens por parte de Renfe únese agora a supresión de certas frecuencias no transporte por autobús.

Aínda que esta problemática abrangue municipios de varias provincias, a denuncia orixinal vén de ser realizada por unha moza que critica a suspensión da liña que une Montouto e A Coruña. Segundo explica, multitude de persoas que non dispoñen doutro medio de transporte dependen do enlace para acudir ó centro de traballo, de estudo ou simplemente por ocio.

Lembrades todas esas promesas de non abandonar o rural? Pois resulta que @Arriva_Galicia nos quita a liña Montouto-A Coruña, a única que vai de moitas desas zonas a outras indispensables (Universidade, trámites na cidade, hospital...). Axudades a difundir? https://t.co/lLlrCnvv2E

— Antía Yáñez (@AntiaY) September 26, 2020

Para tentar reverter o peche, a denunciante vén de lanzar unha petición en change.org que xa recibiu o apoio de máis de 120 persoas. O caso de Montouto, porén, só é un máis dunha listaxe de municipios rurais que veñen de perder as liñas de transporte público entre eles ou cos núcleos urbanos. 

BARBANZA

No propio fío no que se deu a coñecer a petición en Change, outra usuaria destacaba a perda de frecuencias na comarca do Barbanza.

Tamén, A Pobra,Boiro, Rianxo...Unha desfeita total!!
Rianxo está a 30' En bus. Moita xente traballa en Padrón, Compos etc., Porén, obríganche a coller coche privado - si tes e/ou podes conducir- Horarios reducidos imposíbeis de cadrar. Os concellos calan, a Xunta(amiguiños)pasa⤵️

— a Dores Asorei♀️☂🎗#RabudaPqMePeta🌻#Feminista24/7 (@AsoreiDores) September 28, 2020

O obxectivo da petición é conseguir que os concellos de Cambre e A Coruña -polos que pasa a liña- insten á empresa Arriva a recuperar as frecuencias. "O transporte público é un dereito e é unha das medidas máis sostibles e ecolóxicas, esto sería unha gran perda e inxustiza para a miña comunidade."