Aparatoso accidente na Pobra do Caramiñal cun camión que transportaba bloques de cemento
Por Europa Press / Redacción | SANTIAGO DE COMPOSTELA | 09/10/2020 | Actualizada ás 12:14
Un camión que transportaba bloques de cemento liberou toda a súa carga tras sufrir unha saída de vía e envorcar na Autovía do Barbanza á altura do saída norte da Pobra do Caramiñal (A Coruña).
Segundo informou o CIAE 112 Galicia, o accidente tivo lugar minutos despois das 11,00 horas deste venres no punto quilométrico 31 da AG-11 en dirección Ribeira (A Coruña). Ata o lugar desprazouse o helicóptero de Urxencias Sanitarias 061 con base en Santiago para atender ao condutor do camión, que precisou de axuda para abandonar o interior do vehículo.
A circulación no punto do accidente quedou interrompida debido a que a carga do camión, que transportaba bloques de cemento, quedou esparexida polo pavimento.
