Tres novos gromos en Monterrei, Xinzo e O Carballiño deixan 37 novos contaxios
Seguen crecendo os positivos noutros focos.
Por Europa Press / Redacción | Ourense | 09/10/2020 | Actualizada ás 20:10
Tras novos gromos rexistrados na parroquia de Vilaza, en Monterrei, en Xinzo de Limia e no Carballiño deixaron un total de 37 novos contaxios na provincia de Ourense.
En concreto, segundo informou a área Sanitaria de Ourense, en Alvarellos, Vilaza (Monterrei), detectáronse nove novos casos. Ademais, en Xinzo hai un total de sete novos casos detectados en estudo.
Pola súa banda, estas fontes sanitarias sinalaron que na comarca do Carballiño rexistráronse outros 21, todos eles vinculados a distintos gromos da zona.
Ademais, un gromo familiar rexistrado en Allariz ascende a cinco persoas afectadas tras o positivo dun mozo de 22 anos; mentres que o positivo doutro home de 28 eleva a cinco os casos doutro brote da Mezquita.
Por último, xa son sete os positivos relacionados co de Celanova e hai tres novos relacionados con outros gromos activos no Barco.
