A Xunta subvenciona con dous millóns a Alu Ibérica en pleno conflito laboral cos traballadores
A empresa comprouna a multinacional Parter a Alcoa. O Comité pide "reverter a venda" polos "graves incumprimentos" da nova propietaria.
- O comité de Alu Ibérica na Coruña denuncia falta de pagamento de nóminas, que a empresa nega
- Alu Ibérica di que "está cumprindo" os compromisos cos traballadores
- O comité de Alu Ibérica na Coruña pide a Alcoa que reverta a venda polos "graves incumprimentos"
Por Europa Press / Redacción | A CORUÑA | 16/11/2020 | Actualizada ás 12:48
Alu Ibérica A Coruña (antiga Alcoa) , e que agroa é propiedade do grupo Parter, recibiu unha subvención do Instituto Enerxético de Galicia (Inega) por valor de 1,9 millóns de euros "para mellorar a eficiencia enerxética da planta", segundo informa. Unha subvención que chega cando os traballadores denuncian que a empresa non lles está a pagar os salarios.
Estes fondos, asegura nun comunicado, "permitirán avanzar coa conversión da planta ao gas natural e a adquisición dun forno de refusión", claves, sostén, para adaptarse á directiva europea de emisións industriais.
Tamén explica que esta contía corresponde ao novo programa de axudas para o desenvolvemento de actuacións de eficiencia enerxética para pemes e grandes empresas do sector industrial lanzado pola Xunta de Galicia.
"Esta subvención permite financiar dúas actuacións crave do plan industrial de Alu Ibérica, encamiñado á produción de aluminio verde circular", engade nun comunicado. Nel, incide en que"a aposta" da compañía pasa por transformar as plantas da Coruña e Avilés "para a produción deste metal reciclado" de face a garantir "a viabilidade da compañía e os postos de traballo".
