Navantia entrega á Armada de Australia o primeiro dos dous buques do tipo AOR
A segunda unidade está a acabarse de construír no estaleiro de Ferrol.
Por E.P. | Compostela | 12/04/2021 | Actualizada ás 19:10
Navantia entregaron á Royal Australian Navy o primeiro dos dous buques do tipo AOR (Auxiliary Oiler Replenishment), o 'HMAS Supply', que a empresa naval pública española construíu nas súas instalacións de Ferrol, onde polo momento permanece a segunda unidade, en proceso de finalización.
A través dun comunicado, o novo presidente de Navantia, Ricardo Domínguez, afirmou que a entrada en servizo do buque "marca un fito significativo para todos os que estiveron implicados".
"A pesar dos moitos desafíos, incluída a pandemia da covid-19, o Goberno australiano, Navantia, Navantia Australia e a industria española e australiana traballaron de forma colectiva e colaborativa para facer o 'HMAS Supply' unha realidade", valora.
Este barco foi construído no estaleiro de Ferrol e terminado na base naval de Garden Island, no oeste de Australia, a finais de 2020. A Oficina de Xestión do Programa de Sostemento do Ministerio de Defensa de Australia, xunto con Navantia Australia, traballarán xuntos no mantemento dos buques mediante un avanzado sistema de xestión de activos que asegure as capacidades dos AOR durante a fase operativa.
