A Xunta activa o convenio de emerxencias con Unicef para axudar a máis de 4.000 persoas en Siria

A Xunta activou o convenio de emerxencias con Unicef Comité Español para a posta en marcha dunha intervención de axuda a 4.050 persoas en Siria, entre as que se atopan nenos, familias e traballadores de centros de saúde.

Con este apoio, Unicef comprará e distribuirá kits de auga e hixiene, subministracións básicas para centros de saúde, equipos médico e hixiénico para persoal sanitario e subministracións de desinfección de escolas e outras instalacións.

A actuación centrarase nos campos de desprazados habilitados no norte do país, incluídas as zonas de difícil acceso desde 2019 nas que máis se agravou o conflito. O Goberno galego colabora con Unicef para a execución de proxectos de acción humanitaria e emerxencia en países afectados por catástrofes de orixe natural ou humano. A entidade ten presenza en 190 países.

Entre 2012 e 2021, o importe das subvencións concedidas pola Xunta nesta materia --incluído este convenio-- roza os 880.000 euros.

Un campo de refuxiados desplazados pola guerra de Siria