Inés Rey reivindica o potencial cultural da Coruña na feira CM Málaga
A alcaldesa destacou a oferta museística científica da cidade, que cualificou de "innovadora".
Por Europa Press / Redacción | A CORUÑA | 22/06/2021 | Actualizada ás 18:15
A alcaldesa da Coruña, Inés Rey, reivindicou, na feira CM Málaga, a riqueza e a singularidade cultural da cidade herculina. "Desde A Coruña entendemos e defendemos o turismo cultural como unha gran oportunidade para achegar a nosa singularidade e identidade como cidade".
"Convidando a descubrir un destino de enorme riqueza patrimonial e cunha oferta cultural única e variada nun espazo facilmente transitable a pé e que conta con infraestruturas turísticas de calidade para acoller un turismo que apela aos cinco sentidos", sinalou a rexedora na súa intervención.
Inés Rey participou, segundo explica o goberno local, nunha mesa de debate sobre a dimensión turístico-cultural nas novas urbes. Nela, estivo acompañado, entre outros, polo vicepresidente e deputado de Turismo da Deputación da Coruña, Xosé Regueira.
A rexedora apuntou que nos últimos anos "A Coruña situouse como un destino turístico multiexperiencial, onde a cultura é un dos seus principais reclamos". Rey destacou a oferta museística científica da cidade, que cualificou como "innovadora".
