Os minicampamentos para menores 'Coñece Galicia' ofertan 600 prazas

A conselleira de Política Social, Fabiola García, presentou este venres os minicampamentos da Xunta 'Coñece Galicia' que ofertan 600 prazas para menores con estancias en hotel. "Hoxe mesmo os pais van poder comezar coa inscrición dos seus fillos, cunha oferta de cinco días de aloxamento nos hoteis", explicou a titular de Política Social.

Sobre esta iniciativa, indicou que lles permite cumprir con "un dobre obxectivo, como é pór a disposición de todas as familias de Galicia un recurso de conciliación, estar en compañía doutros nenos e coñecer a nosa comunidade, ao mesmo tempo que os pais poidan atender os seus traballos e quefaceres diarios". Estas manifestacións realizounas Fabiola García no municipio de Valdoviño, nas inmediacións dun hotel situado nas praias de Meirás, onde estivo acompañada do alcalde desta localidade e doutros representantes municipais.

TRECE LOCALIZACIÓNS

"Esta será unha das 13 localizacións", detallou a conselleira de Política Social, que agradeceu "a disposición do seu xerente" por darlles "a posibilidade de que os nenos poidan vir a este municipio de Valdoviño e participar neste minicampamento". Así mesmo, Fabiola García detallou que os participantes desta iniciativa van poder participar en actividades "de ondas, como son surf, padel surf ou kaiak, ademais das augas tranquilas do Río San Vicente".

A conselleira de Política Social, Fabiola García, visita o punto de atención á infancia de Boborás (Ourense). XUNTA