"O Faro" non cautiva á audiencia
A serie na que a TVG inviste máis dun millón de euros colleita un 7,3% en Galicia e no chega ao 3% na maioría do resto das autonómicas, o que dificulta a súa prolongación máis alá dos 120 capítulos.
Por Galicia Confidencial | Santiago | 03/12/2013 | Actualizada ás 22:12
En outubro a Televisión de Galicia (TVG) estrenou a serie "O Faro" nos seráns das tardes a partir do luns. Trátase dunha produción privada (Agallas Films, Cinemar, Zenit TV e Pórtico de Comunicaciones) encargada polas cadeas públicas autonómicas.
A emisora do país aporta a metade do diñeiro e a outra metade os seus socios na FORTA e Canal Extremadura. Polos seis meses contratados, a TVG terá que aportar 1,3 millóns de euros.
"O Faro" presentouse como unha novidade no sector audiovisual. Non só porque as autonómicas fixeran unha serie coproducida, senón tamén polo reducido coste por capítulo, que xa suscitou unha considerábel polémica laboral. E é que con 22.500 euros por capítulo é moi difícil facer un produto de calidade pagando salarios dignos.
Polo de agora as cifras de audiencia non avalan polo de agora á coproducción. Segundo Vanitatis, a serie na TVG colleita un 7,3% de share, por debaixo dos 70.000 espectadores. Peor vai na CMT, con só o 1,6; Televisión de Canarias, con un 2,4%; e Telemadrid cun paupérrimo 0,3% tras ser trasladada dende o serán á mañá, colleitando menos de 5.000 espectadores.
O resto de autonómicas non a estrenaron aínda, incluídas as máis importantes, ETB, Canal Sur e TV3. Tampouco o fixeron IB3 e Aragón Televisión. Si o fixo na desaparecida Canal Nou, onde non pasou do 1% de audiencia. O problema é que Canal Nou desaparece e é unha das compañías que debía pagar a produción.
No acordo inicial estaba previsto filmar 120 capítulos, dabondo para unha tempada de seis meses. Con todo, as productoras esperaban que o reducido custe e o modelo de coproducción lles permitise renovar máis temporadas, algo difícil vistas as cifras de audiencia.
Unha mala noticia para o sector audiovisual galega xa que "O Faro", malia pagar uns salarios cativos, dá emprego a ducias de profesionais que terían unha difícil recolocación neste contexto de crise no audiovisual.
