O PPdeG cualifica de "medida rigurosa" e non "parche" a flexibilización da caza de xabaríns

A portavoz de Medio Ambiente do grupo parlamentario popular, Marisol Díaz Mouteira, negou que a flexibilización da caza de porcos bravos sexa "un parche", como denunciou Unións Agrarias, ao defender que é unha medida "excepcional" adoptada desde o "rigor" dos datos.

Respecto diso, sinalou que "non se trata de ser esaxerados nin quedar escasos", ao referirse a que hai quen, como o sindicato, di que "son medidas insuficientes" pero en cambio para organizacións ecoloxistas "é unha tolemia".

"Téñense en conta o número de avisos, a superficie de danos por concellos, en porcentaxe no marco da comarca, as explotacións porcinas, os accidentes de tráfico...", expuxo. Neste sentido, Díaz Mouteira reivindicou que "se está dando un paso grande, importante" e engadiu que "son medidas excepcionais, ante unha situación excepcional".

"Non é un parche nin insuficiente, senón feito baixo o rigor duns parámetros e segundo o que di o comité de seguimento, que achega o necesario para a adopción de medidas", resolveu a deputada do PPdeG.

Un exemplar adulto de porco bravo. XUNTA - Arquivo | Fonte: Europa Press