Ceos con intervalos anubrados e temperaturas en descenso este xoves
As máximas estarán entre os 24 graos da Coruña, Ferrol, Vigo e Pontevedra; os 25 graos de Lugo e Santiago e os 31 graos de Ourense.
Por Europa Press / Redacción | SANTIAGO DE COMPOSTELA | 02/09/2021 | Actualizada ás 10:23
Os ceos presentarán intervalos anubrados, con chuvascos treboentos, máis probables e xeneralizados pola tarde, cando poderán vir acompañados de sarabia e aparello eléctrico, na xornada xoves.
E é que, segundo informa Meteogalicia, as altas presións seguirán centradas sobre Escocia durante esta xornada, pero a presenza de aire frío en altura continuará ocasionando inestabilidade.
As temperaturas rexistrarán un descenso, algo máis acusado os valores máximos. Os ventos soprarán frouxos, de dirección variable, excepto na costa norte onde serán moderados do nordés.
Así, as máximas estarán entre os 24 graos da Coruña, Ferrol, Vigo e Pontevedra; os 25 graos de Lugo e Santiago e os 31 graos de Ourense.
