O comité de Vestas estuda denunciar á empresa en Dinamarca por "mala fe" na negociación
Este 31 de decembro faise efectivo o ERE sobre o todo o persoal.
Por E.P. | SANTIAGO DE COMPOSTELA | 23/12/2021 | Actualizada ás 13:32
O comité de empresa de Vestas decidirá nunha próxima asemblea de traballadores se denuncia á compañía e mesmo eleva esa demanda á matriz da multinacional de aeroxeradores en Dinamarca. O presidente do comité, David Mariño, explicou que a demanda se interporía para "demostrar a mala fe negociadora que tivo Vestas en todo este tempo".
O 31 farase efectivo o ERE que deixará na rúa a todo o persoal, de 115 traballadores. O expediente xa está recorrido e está previsto que se celebre o xuízo o 20 de xaneiro. Á súa vez, os representantes dos traballadores estudarán se volven relanzar as protestas por estes despedimentos e polo peche da factoría de Chavín.
En vésperas de Noiteboa, Mariño confesou que "os ánimos están un pouco decaídos". "Pero aquí estamos a aguantar o tirón ata o final", engadiu. Asume que finalmente haberá peche e engade que "a negación non serve para nada". "Temos que mirar facía diante, pensar no futuro e no que nos vén despois do 31", resolveu.
