O alcalde do Barco presentarase ás primarias para elixir o secretario provincial do PSOE en Ourense

O alcalde do Barco de Valdeorras, Alfredo García, convocou aos medios este mércores para presentar a súa candidatura ás primarias para optar á secretaría provincial do PSOE en Ourense. O prazo para dar o paso termina, precisamente, este mércores.

Ademais de Alfredo García, faltaría a confirmación de se oficializa o paso para optar a repetir como líder en Ourense o actual secretario provincial, Rafael Villarino, situado na contorna de Gonzalo Caballero; e non se descarta a Noela Blanco, quen xa se presentou ás primarias en 2017 e perdeu fronte a Villarino.

Alfredo García, presidente da Fegamp e alcalde do Barco de Valdeorras. MIGUEL MUÑIZ - Arquivo