Regresa a muller de 40 anos buscada desde o domingo en Rairiz de Veiga
Desaparecera na madrugada do domingo, cando saíu a fumar e non regresou.
Por Europa Press / Redacción | OURENSE | 03/01/2022 | Actualizada ás 10:30
A muller de 40 anos de idade buscada desde este pasado domingo no municipio de Rairiz de Veiga no que pasa as vacacións coa súa parella regresou polo seu propio pé á vivenda.
Así o confirmaron a Europa Press fontes da Garda Civil, que puntualizaron que ás 9,35 horas deste luns a muller, natural e Brasil e residente en Francia, regresou á vivenda onde pasa as vacacións. O servizo de emerxencias 112 Galicia tivo coñecemento da desaparición desta muller sobre as 19,30 horas deste pasado domingo mediante a chamada da Garda Civil.
Segundo a información facilitada aos xestores de emerxencias, a muller falta da parroquia de Lampaza, desde a madrugada do pasado domingo día 2 de xaneiro.
Por parte do Centro Integrado de Atención ás Emerxencias de Galicia (CIAE-112) informouse os membros de Protección Civil da localidade que, xunto coas agrupacións de voluntarios de Protección Civil de Porqueira e Allariz, pasaron a formar parte do operativo de procura coordinado pola Garda Civil.
O Instituto Armado abriu unha investigación pola desaparición voluntaria desta muller que, indicaron fontes próximas á investigación, ás 3,00 horas deste pasado domingo saíu a fumar e non regresou. Levouse un bolso con algo de diñeiro, pero non o teléfono móbil.
