Falecen nove persoas máis en Galicia diagnosticadas co coronavirus
O máis novo tiña 53 anos.
Por Galicia Confidencial | Santiago de Compostela | 17/01/2022 | Actualizada ás 20:49
A pandemia de covid-19 deixa outros nove falecidos en Galicia. Estas mortes rexistráronse o 14 e 16 de xaneiro. Con estes datos, elévanse a 2.856 as vítimas da pandemia en Galicia.
O 14 deste mes confirmáronse as mortres dun home de 62 anos no hospital Povisa de Vigo, unha muller de 89 anos na Residencia Virxe da Guadalupe de Mos, e os falecementos no CHUVI de Vigo dun home de 53 anos, outro de 92 anos (procedente da residencia Mi Casa de Pazos de Borbén) e un terceiro de 60 anos.
O día 16 de xaneiro, as mortes rexistradas foron as dun home de 95 anos no CHUS (Santiago de Compostela), unha muller de 73 anos no CHUAC (A Coruña) e unha muller de 87 anos e un home de 85 no CHUF (Ferrol).
As persoas falecidas presentaban patoloxías previas.
