A Deputación da Coruña difunde o legado de Pardo Bazán cunha edición da súa obra 'Da miña terra'
Por E.P. | Santiago de Compostela | 21/01/2022 | Actualizada ás 19:51
A Deputación da Coruña conmemora o centenario da morte da escritora Emilia Pardo Bazán coa edición facsimilar da súa obra 'Da miña terra'.
"Unha reprodución fiel do libro orixinal da escritora, que está composto por diferentes artigos, discursos, intervencións e reflexións da autora en diversos ámbitos, todos eles vinculados á súa terra, Galicia", explica.
O organismo provincial destaca que "editar a súa obra é a mellor forma que temos de conmemorar o centenario desta importante figura".
"As súas novelas, poemas e ensaios son un valioso legado cultural que temos que conservar con agarimo, para que poida ser transmitido ás futuras xeracións", remarca o presidente da Deputación, Valentín González Formoso.
