Morren varios animais por un incendio nunha explotación porcina na Merca

Un incendio declarado no interior dunha granxa porcina calcinou unha parcela da explotación, sen que se rexistrasen danos persoais. Segundo informa o 112 Galicia, moitos animais morreron ao atoparse na zona onde tivo lugar o lume.

Os feitos ocorreron no lugar de Fondo de Vila, na parroquia da Manchica, pasadas as 16,30 horas deste luns. Nese momento, un particular avisou ao 112.

Ata o lugar acudiron os Bombeiros de Celanova, os membros da Agrupación de Voluntarios de Protección Civil da Mancomunidade de Terras de Celanova e os axentes da Garda Civil.

Ambulancia do 061 | Fonte: 061-GALICIA.