A patronal galega critica a "barra libre" de axudas do Goberno
Vieites asegura que esta resposta á crise podería postergar a situación e estender os seus efectos no tempo, ao non enfrontar as causas da suba de prezos.
Por Europa Press / Redacción | SANTIAGO DE COMPOSTELA | 01/04/2022 | Actualizada ás 14:56
O presidente da patronal galega, Juan Vieites, cargou contra as medidas tomadas polo Goberno central para atallar a crise aberta por mor da guerra de Ucraína. Entre outras cuestións, avisa de que "algunhas" gasolineiras "din que van pechar", pois "co que lle dan, e tal e como está o prezo do combustible no momento actual, non lles sae a conta".
A preguntas da prensa nun encontro en Santiago de empresarios católicos, nunha xornada na que entra en vigor a rebaixa de 20 céntimos por litro de combustible e vivíronse colas en estacións de servizo galegas, Vieites expuxo que "calquera cidadán na súa casa, se non lle sae a conta, pois pecha". "Isto é o que están a facer algunhas das gasolineiras".
Recrimina que a proposta do Goberno para os combustibles "non serve para moito", pois "é unha media cortoplacista e pequena" mentres o "combustible segue subindo" e "non se atalla a raíz", "e con ese punto de vista non poden subsistir as empresas así".
CONTRA A "BARRA LIBRE" DE AXUDAS
O presidente da Confederación de Empresarios de Galicia (CEG) expón que nos momentos actuais de "treboada perfecta" hai que tomar medidas para "fortalecer á sociedade" e "non dar subvencións ou créditos para trasladar esa situación a máis longo prazo". Pide "abordar os temas no momento actual", posto que "o que se está facendo desde o Goberno con este tipo de medidas son prolongalos (os problemas) cara ao futuro". Avisa de que lles vai a tocar "todos os cidadáns" ter que "apertarse o cinto".
A continuación, opina que "se están pospondo algunhas cuestións de cara ao futuro" que poden acabar en concurso de acredores de compañías. "Manter empresas dando créditos está moi ben, pero imos ver quen dá o crédito; se é o ICO, pagámolo todos os españois", avisa. "Se o van a dar así, a caño libre, como se adoita dicir, realmente temos un problema", sentenza.
