Evacuadas unha muller e un bebé tras unha colisión entre dous coches en Esgos

Unha muller e un bebé tiveron que ser trasladadas a un centro hospitalario tras unha colisión entre dous vehículos na estrada xeral en Esgos (Ourense), á altura do número 45.

O sinistro produciuse sobre as 16,15 horas da tarde, segundo recolle o parte do 112 Galicia, que recibiu o aviso a través de Urxencias Sanitarias de Galicia-061.

Pola súa banda, a central do 112 avisou á Garda Civil de Tráfico e ao GES de Maceda. Tamén foron informados a Agrupación de Voluntarios de Protección Civil de Esgos, o servizo de mantemento da estrada e os Bombeiros de San Cibrao das Viñas.