A banda coruñesa Tiruleque celebra os seus 20 anos cunha xira e o lanzamento dun recompilatorio

A banda coruñesa Tiruleque celebra os seus 20 anos na música cunha xira e o lanzamento dun disco recompilatorio dos seus grandes temas. Así, comezará a súa xira o 30 de abril, sábado, cun concerto na coruñesa Sala Garufa. Despois o grupo actuará en Santiago, Ferrol e Lugo durante o mes de maio.

Paralelamente, sacará o álbum 'Tiruleque, 20 anos no camiño' (que inclúe dous temas inéditos), con cancións habituais do seu repertorio de fusión entre o tradicional e a creación propia, con aproximacións a xéneros como a cumbia, o swing ou o son cubano.