Os plans de investigación en Galicia recibirán 12 millóns complementarios por parte do Goberno central
Os Plans Complementarios son, explica a Delegación do Goberno, "unha nova ferramenta para impulsar programas de investigación en áreas estratéxicas, cogobernados e cofinanciados entre o Ministerio de Ciencia e Innovación e as comunidades autónomas no marco do Plan de Recuperación, Transformación e Resiliencia".
Por E.P. | A CORUÑA | 19/04/2022 | Actualizada ás 18:15
O Consello de Ministros aprobou este martes, a proposta do Ministerio de Ciencia e Innovación, o Real Decreto polo que se regula a concesión de 12,34 millóns de euros en subvencións a Galicia para financiar a posta en marcha dun Plan Complementario de I+D+i na área de biodiversidade.
O delegado do Goberno en Galicia, José Miñones, destacou esta decisión como "un recoñecemento á calidade da investigación que se fai en Galicia e unha aposta polos centros de I+D na materia que traballan na Comunidade".
Os Plans Complementarios son, explica a Delegación do Goberno, "unha nova ferramenta para impulsar programas de investigación en áreas estratéxicas, cogobernados e cofinanciados entre o Ministerio de Ciencia e Innovación e as comunidades autónomas no marco do Plan de Recuperación, Transformación e Resiliencia".
Neste sentido, Galicia achegará 10,66 millóns de euros a estes Plans Complementarios de investigación, "que permitirán establecer colaboracións entre as administracións ante retos crave do noso país, respondendo así os criterios da Unión Europea para a aplicación de medidas transformadoras para a nosa economía".
O obxectivo deste plan é deter, precisa a Delegación do Goberno, a crise de biodiversidade e impulsar a mitigación e adaptación dos sistemas naturais ao cambio climático. Para iso, este programa está enfocado ao desenvolvemento de solucións centradas na natureza, que teñan en conta como inciden nela as actividades antrópicas.
