Localizan a unha peregrina desorientada grazas ao sistema móbil avanzado de localización

O sistema avanzado para a localización móbil (AML) permitiu enviar axuda inmediata a unha peregrina desorientada preto de Santiago de Compostela na noite deste pasado xoves.

Segundo informou o 112 Galicia, tras a súa chamada ao servizo de emerxencias cara ás 21,00 horas do xoves, os xestores do Centro Integrado de Atención ás Emerxencias situaron á muller na parroquia compostelá de Enfesta mediante esta tecnoloxía, que permite a localización cunha marxe de erro inferior aos vinte metros.

Desta maneira, solicitaron o desprazamento de axentes da Policía Local, que acudiron a atender á peregrina, xa "máis tranquila e en bo estado de saúde", sinalan as mesmas fontes.

Cando marcou o número único de atención ás emerxencias 112, estaba "bastante nerviosa e desorientada", apuntan por parte do 112, nunha zona de monte, aínda que dentro dos carreiros do Camiño Inglés.

Dúas mulleres peregrinas realizan o Camiño de Santiago.. XUNTA