Asistidas tres persoas tras chocar dous coches en Catoira

Unha colisión entre dous coches rexistrada na madrugada deste mércores no termo municipal de Catoira saldouse con tres persoas asistidas. Así o informou o 112 Galicia, que indicou que este accidente tivo lugar no punto quilométrico 8 da estrada PO-548, á altura da parroquia de Oeste.

Foi unha das persoas implicadas no sinistro quen contactou co 112 Galicia para alertar do choque sobre as 5,40 horas deste mércores. Despois de recibir o aviso, o servizo de emerxencias puxo a situación en coñecemento de Urxencias Sanitaria de Galicia-061, da Garda Civil de Tráfico, dos Bombeiros de Vilagarcía, do GES de Padrón, de Protección Civil e do servizo de mantemento da estrada.

Por parte de Urxencias Sanitarias de Galicia-061 enviouse unha ambulancia de soporte vital básico, que foi a encargada de trasladar a un home ao Hospital do Salnés, apuntaron fontes sanitarias.

Un vehículo da Garda Civil desprazado ao lugar dun accidente. GARDA CIVIL