Detido un home por violencia machista en Santiago e a súa sogra ao tentar evitar o arresto
A nai da suposta agredida bateu nun axente para evitar a detención.
Por Europa Press / Redacción | SANTIAGO DE COMPOSTELA | 27/05/2022 | Actualizada ás 13:41
Axentes da Policía Local de Santiago de Compostela detiveron na madrugada deste pasado xoves a un home por un suposto delito de violencia machista e á súa sogra por tentar evitar o arresto e tratar de agredir a un policía. Así o informaron a Europa Press fontes municipais, que relataron que os feitos sucederon sobre as 1,30 horas deste pasado 26 de maio nun piso de Fontiñas, lugar ao que foron requiridos efectivos da Policía Local por un suposto caso de violencia machista.
No lugar foron arrestados un home por suposta violencia machista e a nai da vítima por tentar impedir a detención e trata de agredir a un axente que interveu. Posteriormente os dous detidos no barrio de Fontiñas foron levados a dependencias da Comisaría da Policía Nacional de Santiago, que instruíu as dilixencias. Fontes policiais confirmaron a Europa Press que a muller quedou en liberdade en sede policial, mentres que o home pasou a disposición xudicial.
