O flamenco de Rocío Márquez e Bronquio, no programa das festas do Apóstolo
O dúo de artistas que levan a unha fase a fusión do flamenco coa electrónica ou a psicodelia.
Por Europa Press / Redacción | SANTIAGO DE COMPOSTELA | 15/06/2022 | Actualizada ás 13:31
O programa das festas do Apóstolo de Santiago, que se celebran na segunda quincena do mes de xullo, ten xa o seu primeiro nome confirmado, o de Rocío Márquez e Bronquio, representantes da nova onda do flamenco.
O dúo de artistas que levan a unha fase a fusión do flamenco coa electrónica ou a psicodelia protagonizarán, da man de Son Estrella Galicia, a noite do 22 de xullo no escenario da Praza da Quintana, epicentro da programación musical das festas da capital galega.
Rocío Márquez e Bronquio presentarán en Santiago o seu novo traballo, titulado 'Tercer cielo', no que abrazan o folclore, a canción popular ou a panxoliña a través de sons procedentes da electrónica nunha proposta na que cohabitan Lorca e San Agustín con Aphex Twin e Kraftwerk. Así pois, Santiago poderá gozar nun concerto gratuíto ata completar aforamento dunha das propostas musicais encomiadas pola crítica como un dos discos do ano.
