Toda a familiar real española acudirá a Santiago o 25 de xullo

Os Reis de España acudirán a Santiago de Compostela o próximo 25 de xullo, Día Nacional de Galicia. Así o confirmou este venres o presidente da Xunta, Alfonso Rueda, que, segundo detallou, este mesmo xoves recibiu un escrito de Casa Real "confirmando que tanto o Rei, como a raíña, a princesa de Asturias e a infanta" estarán o 25 de xullo en Santiago.

En declaracións aos medios tras a reunión da Comisión Delegada do Consello de Comunidades Galegas, Rueda agradeceu aos Reyes a súa visita: "Xa estiveron o ano pasado e volven estar neste dobre Ano Santo Xacobeo. Agradecémosllo moitísimo e sen ningunha dúbida supón un respaldo ao magnífico Xacobeo que estamos a ter neste 2022".

Así, este será o terceiro ano consecutivo que, previsiblemente, o rei Felipe VI realice a tradicional Ofrenda ao Apóstolo, acompañado da raíña Letizia, a princesa Leonor e a infanta Sofía.

A vicepresidenta primeira do Goberno e ministra de Asuntos Económicos e Transformación Dixital, Nadia Calviño (2e); o ex presidente da Xunta de Galicia, Alberto Núñez Feijóo (5e); a princesa de Asturias (4d); o rei Felipe I (3d); a raíña Letizia / César Arxina - Europa Press / Europa Press