Dus feridos tras unha colisión entre tres coches en Bergondo

Dúas persoas, piloto e copiloto dun coche, tiveron que ser trasladadas ao resultar feridas nunha colisión entre tres vehículos ocorrida na tarde deste martes en Bergondo (A Coruña).

O accidente ocorreu sobre as 16,00 horas no lugar de Ouces, cando os coches implicados circulaban pola estrada que une as localidades de Betanzos e Sada, a AC-162.

O 112, segundo informa, tivo constancia do suceso tras a chamada dunha persoa que se identificou como implicada no sinistro e indicaba que se trataba dunha colisión por alcance entre tres coches, á altura de Gandarío, e que os ocupantes do primeiro automóbil precisaban asistencia sanitaria.

Así, o 112 informou ao 061, á Garda Civil de Tráfico, á Policía Local, aos bombeiros de Betanzos e aos efectivos de Protección Civil. Así mesmo, os xestores solicitaron a colaboración do persoal de mantemento da vía.

Unha vez no punto, os membros de Protección Civil confirmaron o traslado dos dous feridos ao Hospital Modelo da Coruña.