Ferido un home que caeu desde unha ponte da A-6 en Carral ao asomarse para ver a contorna
El mesmo chamou ao 112 para pedir asistencia médica urxente.
Por Europa Press / Redacción | Santiago de Compostela | 04/08/2022 | Actualizada ás 11:21
Un home resultou ferido tras caer desde unha ponte da A-6, ao seu paso por Carral (A Coruña). El mesmo chamou ao 112 para pedir asistencia médica urxente, xa que tiña lesións "importantes" nas pernas e nun brazo.
Contactou co 112 sobre as 7,30 horas deste xoves e explicou que detivera o seu vehículo na beiravía e asomouse pola ponte para contemplar a contorna, momento no que se produciu a caída.A consecuencia da mesma, sufriu feridas as pernas e nun brazo, polo que se pediu a intervención de Urxencias Sanitarias de Galicia-061.
O 112 indica que o sistema avanzado de xeolocalización facilitou a situación do ferido que, tras a caída, non podía precisar con seguridade onde se atopaba.
Ademais do equipo médico, o 112 Galicia deu aviso aos axentes da Garda Civil de Tráfico e a persoal de limpeza e mantemento do Ministerio de Fomento.
