A Xunta bota outra man ás madereiras: subvencionará o uso do seu material en construcións privadas

O director da Axencia Galega da Industria Forestal, Jacobo Aboal, mantivo unha reunión co presidente da Fundación Ría-Rede de Innovación Arousa, David Chipperfield; co seu coordinador xeral, Manuel Rodríguez López, e co director do estudo David Chipperfield Architects en Santiago de Compostela, Rodrigo Antón Carrasquer. Nela, anunciou unha convocatoria de axudas para impulsar o uso da madeira no ámbito da construción.

Neste sentido, Jacobo Aboal ha sinala que se está traballando intensamente para incorporar a madeira de maneira decidida nas promocións públicas que realice a Xunta, entendendo que "xerará un efecto de tracción na promoción persoal". O movemento non resulta sorprendente logo de anos de denuncias por parte do colectivo ecoloxista fronte aos lazos entre as maderereiras e a administración PP, un vencello cristalizado por ver enésima na fábrica de Altri proxectada para Palas, agora en suspenso.

En calquera caso, Aboal lembrou que se está preparando unha convocatoria de axudas dirixida a empresas e titulares privados onde serán obxecto de subvención os custos na redacción dos proxectos de execución de obra nova, rehabilitación ou reforma, así como do custo dos produtos de madeira ou derivados con finalidade estrutural, envolvente e acabados, e sempre que superen unha determinada porcentaxe.

O obxectivo desta convocatoria, matizou o director, é incentivar o uso na construción da madeira, un material renovable, de proximidade, de baixa pegada en carbono e que "está a chamado a xogar un papel fundamental na loita contra o cambio climático", destacou. Do mesmo xeito, puxo en valor o tecido empresarial vinculado ao sector forestal e da madeira en Galicia.

Arquivo - Un piñeiro novo recentemente tallado en Candaido, A Fonsagrada a 22 de abril de 2021, en Lugo, Galicia (España). A moratoria para a plantación de eucalipto entrará en vigor en maio, para acelerar está a procederse á talla doutras especies como o. Carlos Castro - Europa Press - Arquivo

OUTRAS AXUDAS

Por outro lado, Vicepresidencia Primeira e Consellería de Economía, Industria e Innovación, ten previsto --para a próxima semana-- a apertura dunha nova convocatoria destinada aos 15 proxectos empresariais de alto compoñente científico e tecnolóxico presentados na última convocatoria estatal do Neotec e que non obtiveron financiamento por falta de crédito.

Nun comunicado, a Xunta informou que unha das novidades é que este ano tamén poden optar a estas axudas as 'start ups' de resto do Estado --e que teñan superado os limiares establecidos na convocatoria Neotec 2021-- que trasladen a súa sede social, fiscal e de traballo a Galicia.

Así, no marco da primeira convocatoria de axudas, a directora da Axencia Galega de Innovación, Patricia Argerey, visitou durante esta mañá a empresa Osigris --beneficiaria-- como exemplo de que a innovación e as novas tecnoloxías poden transformar os sectores tradicionais da economía galega.

Deste xeito, a Xunta, sinalou que Osigris é unha das 13 empresas que apoia o Goberno galego na primeira convocatoria para impulsar as iniciativas excelentes que non tiveron financiamento no programa estatal Neotec. Co apoio da administración autonómica, a compañía está a levar a cabo novas funcionalidades que permitirá aos agricultores encher o seu caderno de campo e optimizar o rendemento dos cultivos, ademais de previr as pragas.