A folga de Ryanair causa 12 atrasos en Santiago de Compostela

A xornada de folga de tripulación de cabina de Ryanair saldouse cun total de 12 voos atrasados en Santiago de Compostela, segundo a información do sindicato USO.

En concreto, durante a xornada detectáronse 248 atrasos en todo o territorio estatal. Os aeroportos máis afectados foron os de Palma de Mallorca e o de Barcelona, ambos os dous con 44.

A convocatoria de folga en Ryanair esténdese desde o pasado 8 de agosto ata o 9 de xaneiro de 2023, de luns a xoves todas as semanas nos aeroportos de Barcelona, Madrid, Palma de Mallorca, Xirona, Valencia, Eivissa, Málaga, Santiago de Compostela, Sevilla e Alacante.

Varias persoas achéganse aos postos da compañía aérea Ryanair pola folga | Fonte: Álex Zea - Europa Press.