A creación de sociedades mercantís cae un 26,8% en xullo en Galicia e as disolucións diminúen un 30,1%
Amplían capital 77 sociedades e redúceno 31; non hai desembolso de dividendos.
Por E.P. | SANTIAGO DE COMPOSTELA | 12/09/2022 | Actualizada ás 10:54
O número de novas sociedades mercantís caeu un 14,4% en xullo en Galicia en relación ao mesmo mes de 2021, ata sumar un total de 224 empresas, segundo os datos que publica este luns o Instituto Nacional de Estatística (INE). As disolucións baixaron un 30,1% e situáronse en 72 (53 voluntarias, catro por fusión e 15 doutro tipo).
As 224 empresas creadas na comunidade galega durante o sétimo mes do ano supuxeron subscrición e desembolso de case 6,1 millóns de euros. Foron todas elas sociedades limitadas.
Ampliaron capital 77 sociedades, por 26,3 millóns de euros. Seis das ampliacións correspondéronse con sociedades anónimas (por 16,9 millóns) e os 71 restantes eran sociedades limitadas (por 9,4 millóns). Mentres, reduciron capital un total de 31, o que supuxo un importe de case 13,36 millóns menos. Este mes non houbo desembolso de dividendos por parte de ningunha compañía.
DATOS ESTATAIS
No conxunto estatal, o número de novas sociedades mercantís baixou un 14,4% en xullo respecto ao mesmo mes de 2021, ata sumar un total de 7.180 empresas, a súa cifra máis baixa desde setembro do ano pasado, cando se crearon algo máis de 6.600 sociedades.
