Sanidade resalta a alta adherencia do comezo da vacinación nos grandes recintos, pero apela a acudir
Piden poñer a segundo dose de reforzo ante o repunte de casos e a subida da incidencia
Por Europa Press / Redacción | SANTIAGO DE COMPOSTELA | 08/10/2022 | Actualizada ás 11:15
A Consellería de Sanidade apelou este sábado a acudir a recibirse a segunda dose de reforzo (a cuarta vacina) contra a covid-19 ante o repunte de casos e a subida da incidencia que está a vivir tanto Galicia como o conxunto do Estado.
Este venres arrincou a vacinación nos grandes recintos cos maiores de 80 anos, despois da administración das doses nas residencias, e comezou cunha alta adherencia, aínda que o conselleiro de Sanidade, Julio García Comesaña, remitiu ao luns para coñecer con precisión os datos.
A única incidencia destacable que se rexistrou foi na Cidade da Cultura, na que houbo un desaloxo preventivo de todos os edificios ante unha ameaza sobre os xulgados composteláns, tendo en conta que o complexo do Gaiás tamén acolle agora a vista polo accidente do Alvia ocorrido en 2013.
Esta situación supuxo un parón de dúas horas, polo que moitos pacientes non acudiron ante a situación que se deu ou se marcharon. A todos eles ofréceselles volver calquera outro día, da mesma forma que na xornada deste venres foron vacinados maiores de 80 anos e acompañantes que tiñan cita para outra xornada.
En declaracións aos medios, a directora xeral de Saúde Pública, Carmen Durán, fixo un novo "chamamento" para que se volvan a vacinar todas as persoas citadas coa dose de reforzo, dado que "o número de casos da covid está a aumentar en toda España" e, doutra banda, "hai numerosos estudos" que demostran que a "diminución dos síntomas e de hopistalización é debida en gran medida á vacinación".
"É necesario que todos nos voamos a vacinar, poñámonos este segundo reforzo que vai redundar na saúde de todos os galegos", manifestou Carmen Durán. A dose de reforzo da covid-19 adminístrase de forma conxunta coa gripe, se así o queren os pacientes. Neste sentido, Comesaña destacou que nas residencias está inmunizados contra esta enfermidade estacional en torno ao 97 por cento (cabe lembrar que algúns recibiron a dose da gripe e non a covid porque recentemente padeceran o coronavirus e teñen que esperar tres meses).
O conselleiro de Sanidade inaugurou este sábado a 23 xornada central de formación en vacinas, unha cita de carácter técnico na que se explica o calendario galego, que por exemplo incorpora a gripe para os menores de 5 anos, así como na que se dan a coñecer as novidades dos medicamentos administrados.
